粟米燴魚柳

今晚晚餐終於開爐炸嘢啦!

啱啱炸起嘅魚柳真係好脆身架!

不過淋咗粟米汁就腍身咗少少，

咁食落就冇咁熱氣啦!

材料: 魚柳2塊、生粉適量、雞蛋1隻、粟米蓉1罐

醃料: 鹽、胡椒粉

做法: 魚柳解凍，用廚紙吸乾水份和切成塊狀，落醃料醃1小時；

燒熱油鑊，將魚柳沾蛋漿和生粉炸至金黃色，用廚紙索油後上碟；

將粟米蓉倒入鍋內，加半罐水煮滾落少少鹽調味後，

落埋蛋液攪勻煮個粟米蛋花汁熄火，最後將粟米汁淋在魚柳上便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page