今日約咗幾個一齊學搓麵包嘅同學仔，
去其中一個同學仔公司度唱K和開大食會，
大部份食品會由同學仔家姐幫我哋準備，
而我就整咗盒個我至拿手生炒臘味糯米飯，
齊齊嚟一個飲飽食醉嘅星期六呀!
炒香芝麻、清雞湯1小盒250ml、浸蝦米100ml(視乎糯米熟透程序加落去)
調味: 老抽1.5湯匙、豉油1湯匙
做法: 糯米洗淨後用熱水浸水2小時(用碟蓋好)；
蒸熟臘腸、冬菇和蝦米切粒備用；蛋打發好後煎成蛋皮切絲；
用中火燒熱易潔鑊不需落油，爆香臘腸、冬菇和蝦米後盛起；
隔去浸糯米水後，用炒過臘味嘅易潔鑊炒糯米，(全程用中火)
盡量將糯米平舖在鑊內(讓糯米平均受熱)，不斷炒至糯米乾身，
分4次逐少加入雞湯，加湯後蓋上鑊蓋煮糯米1~2分鐘，
重覆落湯和炒糯米至熟，如糯米未熟透，可加入浸蝦米水繼續炒至糯米熟；
加入臘味和落調味炒勻，最後灑上炒香芝麻和蛋絲舖係臘味飯面，
至於花生和蔥粒，去到朋友仔公司先加落去呀!
大家可以入嚟Facebook讚下我新開嘅Fans專頁呀!
好想食
回覆刪除嘻嘻，妳都整嚟食啦!
刪除