依家D新鮮豬肉越賣越貴，
好彩買慣買熟咋，
超市亞姐俾咗個9折外，
仲搭多咗舊豬肉俾我，
感覺心理平衡咗少少囉!
朝早用咗少半豬肉嚟煮粉食，
今晚就用佢嚟炒涼瓜呀!
材料: 涼瓜1個、梅頭豬肉、蒜蓉、即食豆豉粒半湯匙、生粉水
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油1湯匙、糖1.5茶匙、大半碗水
做法: 梅頭豬肉洗淨後切片，落醃料醃1小時；
涼瓜去囊後切片；落少許鹽撈勻涼瓜，靜待15分鐘後沖水備用；
燒熱油鑊落梅頭豬肉片略煎兩面，加蒜蓉、即食豆豉粒和涼瓜炒勻後，
落調味炆至涼瓜腍身，最後落少許生粉水埋獻汁便成。
~苦瓜氣味苦、無毒、性寒，入心、肝、脾、肺經；
~具有清熱祛暑、明目解毒、利尿涼血、解勞清心、益氣壯陽之功效；
今晚我都係食苦瓜。 你係大客，阿姐一定好招呼啦。
回覆刪除亞姐話呢排都冇咩客買豬肉食，拍烏蠅呀!
刪除真係好貴，不如食牛肉更好
回覆刪除屠房冇新鮮豬到香港，連牛肉供應都冇呀!
刪除