今日母親大人、姐姐和妹妹一家齊齊入嚟天水圍，
幫我提前一個月慶祝生日；
天氣咁悶熱大家都唔建議係屋企煮飯，
所以我哋今晚會出街食晚飯，
見大家一場入到嚟，
我整呢咗盒醉雞翼&醉火雞腎，
等下午切生日蛋糕時一齊食呀!
醉雞汁: 紹興花雕酒2大碗、魚露6湯匙、糖1.5茶匙
做法: 雞翼和火雞腎先解凍後，瀝乾水份；
燒熱一鍋水加薑片、紹酒1湯匙和火雞腎先出水15分鐘，
再加雞翼煮煲多10分鐘後熄火，原鍋焗20分鐘；
撈起雞翼和火雞腎浸入冰塊和冰水內等雞翼和火雞腎涼後，將火雞腎切片；
把雞翼和火雞腎放入盒內並加入調味，
放入雪櫃內雪2小時或以上，(浸得越耐越入味!)
~醉雞汁最好浸過雞翼面，如果唔得就要間中將雞翼轉轉位，
等每隻雞翼都浸到醉雞汁至入味呀!
~呢個醉雞汁係按我自己個人口味而調制出嚟，
大家可以作參考，紹興酒、魚露和糖都可以自行加減架!
大家可以入嚟Facebook讚下我新開嘅Fans專頁呀!
預祝生日快樂🎂
回覆刪除兩樣都好啱食呀！
多謝多謝!
刪除點解提咁早？ 預祝你生日快樂，身體健康。
回覆刪除香港時勢唔好擔心之後會好亂，所以提早做生日囉!
刪除