氣炸鍋回歸~冬菇豆皮結燴脆麵

呢排我差不多日日都攞個空氣炸鍋出嚟用，

雖然平平哋淘寶貨二佰零蚊，

但用咗咁多次咩都抵番哂啦!

今次就用佢嚟整咗呢個冬菇豆皮結燴脆麵，

原來老公都幾鐘意食呢類一口冬菇，

佢話好爽口喎!

早講嘛，

等我下次落元朗買多包先得!

材料: 全蛋麵2個、冬菇仔20粒、豆皮結8隻、白菜適量

調味: 素食蠔油1湯匙、豉油1湯匙、老抽少許、糖1茶匙

做法: 冬菇浸軟去蒂備用；豆皮結浸5分鐘後撈起；

燒熱水落全蛋麵灼至軟身後撈起瀝乾水份；白菜炒熟備用；

燒熱油鑊落冬落、豆皮結、調味和1.5碗水煮至汁濃後，落生粉水埋芡汁；

將灼好及已乾身嘅全蛋麵放入氣炸鍋用200度焗6分鐘，取出放入碟內，

將白菜、冬菇和豆皮結舖在脆麵上便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page