2021年7月11日 星期日

孜然雞翼


前排我去係超市買孖裝豉油,

送咗樽大漠孜然風味醬,

最啱就用嚟整孜然雞翼喇!

呢個醬味道濃郁,

焗出嚟嘅雞翼好香孜然味,

應該可以用嚟醃牛肉、豬肉、雞肉和羊肉嚟整串燒呀!

諗諗下,

用嚟焗茄子都應該唔錯喎!

嘩,

諗起都想食呀!





材料: 雞翼10隻、炒香黑芝麻適量

醃料: 大漠孜然風味醬3湯匙

做法: 雞翼解凍後,用叉拮雞背幾下後用廚紙索乾水份;

落調味醃半日或以上;從雪櫃取出雞翼放室溫1小時;

放入氣炸鍋用200度氣炸15分鐘(雞皮向下);

反轉雞翼焗另一面10分鐘(將剩餘醃雞翼汁搽係雞翼面),

上碟後灑上炒香黑芝麻便成。

~今次落咗3湯匙大漠孜然風味醬醃雞翼,我覺得已經夠哂味道,

仲好濃郁添;想食清啖嘅朋友,可以自行調教調味分量喇!


 

大家可以入嚟Facebook讚下我新開嘅Fans專頁呀!



2 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!