今日有雞食，
客家蔥油芽菜手撕雞；
乾蔥頭係呢個手撕雞嘅靈魂，
拌勻汁料和乾蔥頭連手撕雞一齊，
真係食好香架!
材料: 冰鮮雞1隻、芽菜$5、乾蔥頭2~3個(切片)、蔥粒
醃料: 鹽1.5湯匙
調味: 蒸魚豉油1.5湯匙、糖少許、麻油少許
做法: 雞洗淨後用廚紙抹乾，落醃料搽勻雞身內外醃8小時(隔夜更入味)；
隔水蒸雞25分鐘後唔好開蓋焗多5分鐘，取出待涼拆肉；
燒熱水加少許鹽和油，烚芽菜1分鐘後撈起瀝乾水份；
準備一大碗加入調味、乾蔥片和蔥粒，淋上滾油拌勻，
淋在芽菜雞絲面，食時將所以材料撈勻便成。
~鐘意食薑蓉嘅朋友，可以加入蔥油裡面呀!
大家可以入嚟Facebook讚下我新開嘅Fans專頁呀!
有埋乾蔥片和蔥粒...嘩! 又香口D 雞又滑,真係要添飯. 正!
回覆刪除呢碟手撕雞真係好惹味架!
刪除沙田賣芽菜$ 10先有交易架。 隻雞煮得好滑呀
回覆刪除呢檔買慣買熟，所以俾我買5蚊咁少呀!
刪除