黃豆醬肉豆炆排骨

其實我都幾鐘意食豆，

豆角、四季豆和肉豆等等，

都係我至愛嚟架!

今日就買咗肉豆嚟炆排骨，

呢碟餸落多少少水炆到肉豆，

用黃豆醬汁嚟撈飯，

真係好鬼正架!

材料: 肉豆1扎、排骨粒1磅、蒜蓉、紹酒少許

醃料: 豉油1湯匙、鹽半茶匙、糖1茶匙、生粉1茶匙、麻油少許

調味: 黃豆醬1湯匙、糖1茶匙、老抽少許(調色)

做法: 排骨解凍後用廚紙索乾水份，落醃料醃30分鐘；豆色去頭尾切段；

燒熱鑊落油，加排骨略煎四面後，落2碗水先炆排骨20分鐘(用中小火)；

燒熱鑊落少許油，加入肉豆和蒜蓉快炒後贊紹酒少許，

落排骨(連炆排骨汁)和調味炒勻，炆至豆熟後，落少許生粉水埋芡汁便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page