暖笠笠~枝竹馬蹄羊腩煲

噚日元旦日，

安安全全留係屋企煮美食，

小魔怪話想食羊腩煲，

緊係冇問題啦!

簡單好味又易做；

新年新開始，

有個暖笠笠嘅夜晚，

爽呀!

材料: 羊腩3磅、馬蹄18粒、竹蔗1條($5)、炸乾支竹1包、薑7片(拍扁)、

豆腐卜6個、紹酒2湯匙、冰糖1粒(乒乓球咁大)、老抽少許(調色用)

調味: 大南乳一磚、腐乳4件、柱候醬1湯匙

腐乳醬: 腐乳5件、糖1茶匙、水大半湯匙、麻油少許

做法: 羊腩用3片薑和1湯匙紹酒出水，洗淨後備用；

馬蹄去皮；乾支竹浸軟切段備用；竹蔗破開；

落油爆4大片薑和調味，落羊腩炒勻後贊1湯匙紹酒炒數十下，

落馬蹄、竹蔗和水，水要蓋過羊腩面，水滾後轉最小火炆1小時，

落支竹和加少許老抽，炆多8分鐘後熄火，

唔好開蓋繼續焗羊腩2~3個鐘；飯前攞走竹蔗，

將羊腩和開邊豆腐卜轉入電鍋煮至翻滾，加埋生菜和響鈴一齊烚下烚下便成。

~落老抽係調色用途，唔落都可以架!

~滾到咁上下冇汁嘅話，可以加少許熱水落架!

~響鈴，我鐘意放入湯汁內浸1~2秒，食落外軟內脆，好鬼正架!

    

  

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page