黑椒洋蔥茄子燴豬扒

前幾日買咗幾條幼身茄子，

食剩咗2條，

見煮開黑椒洋蔥豬扒，

即刻加埋落去，

嘻嘻，

咁又一碟惹味餸出爐喇!

材料: 梅頭豬扒4件、茄子兩條(幼身)、洋蔥半個、蒜蓉、生粉水

醃料: 豉油1湯匙、糖1茶匙、鹽半茶匙、生粉1茶匙、麻油少許

調味: 蠔油1.5湯匙、豉油大半湯匙、老抽1湯匙、糖半茶匙、

黑椒碎適量、水大半碗

做法: 梅頭豬扒解凍後，用刀背略剁兩面後切件，落醃料醃1小時；

洋蔥去皮切絲；茄子切件後，將茄子放入油鑊內略炸至半熟後撈起；

原鑊將豬扒至8成熟，加入蒜蓉和洋蔥炒勻，落調味煮至汁濃後，

加埋茄子煮多1~2分鐘，最後加少許生粉水埋芡汁便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page