今朝去街市買咗舊靚靚梅頭肉，
帶有少少肥架!
我將佢一分為二，
肥肥嘅肉就用嚟蒸蝦醬，
加粉絲墊底，
嘩，
香噴噴到不得了，
唔添飯都唔得啦!
瘦肉都唔嘥，
用嚟蒸梅菜就最啱喇!
材料: 梅頭豬肉、粉絲適量、薑絲、蔥粒
醃料:蝦醬1茶匙、豉油半茶匙、糖1茶匙、生粉1茶匙、油少1許
做法: 梅頭豬肉洗淨後切薄片，加入醃料醃30分鐘；粉絲浸軟剪段；
撈起粉絲瀝乾水份放入蒸碟上，舖上蝦醬豬肉，
舖上蒜蓉和薑絲，放入熱水鑊內用大火蒸15~18分鐘，
最後灑上蔥粒便成。
~留意蝦醬咸度，太咸的話記得要自行調節糖份呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!