唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
今日整咗冬瓜豬肉一鍋出，
首先買舊靚靚梅頭肉和1斤冬瓜，
然後先滾個冬瓜豬肉湯底，
撈起梅頭肉切片整蒜泥白肉，
再加幾粒豬肉丸和牛丸係冬瓜湯內煮滾，
加蔥粒、鹽和胡椒粉調味，
咁就有鍋冬瓜丸子湯飲啦!
呢個組合有湯有菜又有肉，
真係好方便我呢個懶人煮飯婆呀!
做法: 將梅頭肉放入鍋內加3片薑煮滾，撈起浮泡後，
先滾30分鐘，再入冬瓜滾15分鐘，撈起梅頭肉待涼切片；
放入丸子滾多5分鐘後，落鹽和胡椒粉調味，最後灑上蔥粒便成。
蒜泥白肉沾醬: 蒜蓉、豉油、鎮江醋、糖、麻辣油、熱滾油
如果大家覺得我煮嘅餸菜啱哂口味嘅話，不妨留個言，鼓勵下我啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!