今日，
我哋一家4口連同大魔怪女朋友5個人，
齊齊提早過冬至；
適逢今日天氣轉涼，
最啱就係打邊爐食羊腩煲架啦!
今次我炆咗5磅羊腩，
加埋生菜、嚮鈴、金菇，
點知大小魔怪話唔夠食，
仲要加咗幾粒雜丸和台灣王子麵，
咁就飽飽囉!
材料: 羊腩5磅、竹蔗1條、冬筍1包、冬菇6隻(大)、馬蹄20粒、
炸支竹3條、薑10件(拍扁)、紹酒2湯匙、冰糖適量、老抽少許
醬料: 大南乳一磚、腐乳4件、柱候醬1湯匙
調味: 豉油1湯匙、老抽適量
腐乳醬: 腐乳6件、糖1茶匙、紹酒少許、腐乳汁適量、麻油少許
做法: 羊腩用薑3件和1湯匙紹酒出水10分鐘，洗淨後瀝乾水份備用；
馬蹄去皮；冬菇浸軟後剪開半；支竹浸軟切段；
竹蔗斬段，每段斬開切3片；筍條切件；
落油煎薑6件後，加入醬料炒勻，落羊腩炒至全部沾滿醬料後，
贊紹酒1湯匙和炒羊腩數十下，
落冬菇、馬蹄、竹蔗、冰糖和熱水(水要蓋過羊腩)，
水滾後轉最小火炆1.5小時，熄火後唔好開蓋焗至羊腩涼後，
飯前將羊腩加熱，加入筍件和支竹，炆煮15~20分鐘；
將羊腩轉入電鍋內煮滾，咁就可以加入自己喜歡嘅食材打邊爐架啦!
睇見都流口水，請問你買的竹筍需要怎樣處理，在那處可買到？
回覆刪除竹筍係雜貨舖買架!唔使點處理，沖沖水就切件嚟炆就得。
刪除