帶母親大人返惠州

噚日星期二，

我和老公兩個人，

帶母親大人返惠州；

我哋一早提醒佢要著厚少少衫和褲，

因為返大陸地區會比較凍呀!

我哋經蓮塘口岸坐永東巴士去惠州康帝酒店落車；

一落車就感受到惠州氣溫比香港低多幾度，

惠州康帝酒店鄰近惠州西湖，

我哋同母親大人到附近食完客家菜，

就行過去西湖和西湖步行街行下。

平時母親大人食嘢都幾奄尖，

老人家嘛，

冇牙食咩都好有要求架!

不過今餐佢食得好開心，

因為佢話D雞和豆腐好滑仲夠哂味，

炒薯粉和炒菜又唔油，

啱哂佢口味呀!

之後食飽飽人又暖咗，

我哋就帶佢去西湖外圍行下影相，

兼去西湖步行街買手信呀!

買咗呢樽鮮榨蔗汁5蚊人仔，

好清甜，

好好飲。

我買咗一大堆煲湯藥材，

雪梨乾、淮山、黨參、北芪、蜜冬和

夾埋都係100蚊人仔，

梅菜25人仔，

分咗2棵俾母親大人，

蝦米仔35人仔。

我仲有係美團優選訂咗家居用品和食品，

夾埋80蚊人仔咋!

我哋買咗新卡拉OK，

母親大人大展歌喉，

唱得開心呀!

晚餐就帶母親大人食湘菜，

我哋揀咗唔辣嘅菜，

隻脆皮鴨好食，

絲瓜和小酥肉，

完成啱哂母親大人，

冇牙都食得到呀!

今朝瞓醒惠州得8度，

我哋10左右就出咗去飲茶，

會員11點前埋單有8折，

呢餐食咗140.28人仔，

好抵食。

我哋食飽就call車返蓮塘口岸喇!

    

 

大家可以入嚟Facebook讚下我新開嘅Fans專頁呀! 雀后(添飯)Facebook Fan Page