返惠州

原本我哋諗住下星期先返惠州，

點知老公話想試下經蓮塘口岸返惠州喎!

好啦!

咁就噚日上咗去探路喇!

我哋過咗蓮塘口岸關後，

直行就見到個露天停車場，

再行前少少就見到永東巴士往惠州(60蚊人仔)，

我哋選擇係惠州金鑾酒店落車，

再call車返屋企都係廿蚊人仔左右咋!

呢架車車程同羅湖大巴士差不多時間，

但我慳咗搭火車錢，

我哋返惠州又多一個選擇喇!

返到屋企，

打掃換床單拖地，

做完一輪嘢就休息抖下，

食下水果睇兼戲，

之後就去食午飯，

屋企留下港式茶餐廳都唔錯，

白飯2蚊碗，

老公話好抵食呀!

順便攞埋張港澳居民居住証，

唔好問我有冇用，

因為我都唔知呀!

返到屋企就唔想出街，

晚餐叫外賣食新彊串燒118.7人仔，

唔錯架!

今朝瞓醒冇耐就要趕住去補眉，

快快手去買咗肉湯包嚟食，

熱辣辣又多肉，

好好味道呀!

我哋返香港都係搭永東巴士，

佢每日有好多班車，

就啱時間嚟買飛就得，

好方便架!

午餐係蓮塘口岸食埋先返屋企，

食咗鵝肉雙併飯和雙丸河。

今次手信有弟婦自家曬嘅臘肉，

仲有係屋苑裡微信團購，

牛雜、牛丸、提子、柿乾、湯包、洗衣珠和牙刷等等。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page