今晚兩個後生唔返嚟食晚飯，
我哋兩老又要自己撐枱腳啦!
我煮咗一個餸~冬菇節瓜炆腩排，
有瓜有肉又有冬菇，
均衡營養，
開得飯啦!
材料: 節瓜2個、腩排$55、冬菇15隻、薑4片、紹酒少許、2碗水
醃料: 豉油1湯匙、糖1茶匙、生粉1茶匙、麻油少許、鹽少許
調味: 蠔油1.5湯匙、老抽少許、冰糖適量
做法: 腩排洗淨後落醃料醃30分鐘；冬菇浸軟去蒂；節瓜去皮切粒；
燒熱油鑊落腩排和薑片略煎兩面，加入冬菇爆香後贊少許紹酒，
加入調味和2碗水炆先至30分鐘後，
落節瓜煮至瓜腍，最後加少許生粉水埋芡汁便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!