唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
小魔怪係屋企食飯，
緊係要啖啖肉先滿足到佢啦!
用咗2塊雞扒拆肉，
整咗一大碟麻油沙薑手撕雞，
加咗少少鹽焗花生落去，
有咬口，
唔錯架!
材料: 雞扒2塊、蔥絲、熟芝麻、麻油
醃料:沙薑粉1湯匙、鹽2.5茶匙、胡椒粉少許
做法: 雞扒解凍後，用廚紙索乾水份，落醃料醃半日；
從雪櫃取出待室溫45分鐘後，放入熱水鑊內蒸25分鐘，
待涼拆絲，撈少許麻油，灑上熟芝麻、花生和蔥絲便成。
如果大家覺得我煮嘅餸菜啱哂口味嘅話，不妨留個言，鼓勵下我啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!