雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2015年5月6日星期三

粟米汁燴豬扒

今日百佳豬肉有七五折，

我緊係唔會執輸啦!

拿拿臨買幾塊飛排做豬扒，

煮埋個粟米汁，

撈飯一流呀!

材料: 飛排豬扒$40、粟米蓉半罐、雞蛋1隻(留半個蛋白醃豬扒)

調味: 豉油1湯匙、鹽半茶匙、糖1茶匙、粟粉1茶匙、麻油少許、蛋白半個

做法: 將豬扒兩面用刀背略略剁鬆；用醃料醃1小時；

燒熱油鑊煎豬扒兩面至熟後盛起；將粟米蓉半罐加1/4罐水煮滾後熄火，

加入蛋液攪勻煮個粟米蛋花汁，將粟米汁淋在豬扒面便成。