炒爽藕

 

我哋呢頭嘅街市，

 

冇冷氣兼又多人，

 

地下永遠都係濕嘅，

 

所以每次去親買餸，

 

我真係會由頭濕到落腳架，

 

所以好多時候我都走咗去超市買餸，

 

雖然價錢起碼貴1/4，

 

但勝在有冷氣嘛，

 

就係咁，

 

我嘅打虎頭錢又減少了，

 

哼!

 

今餐炒爽藕，

 

老公讚好食，

 

條氣即刻順番哂囉!

 

 

 

 

材料: 蓮藕1節($10)、豬肉碎($8)、雲耳適量、白蘑菇(5個)、

蔥段、蒜蓉、紹酒少許、白醋

醃料: 豉油、鹽、糖、粟粉、麻油和水(各少許)

調味: 蠔油1湯匙、豉油半湯匙、老抽半湯匙、糖1茶匙、麻油少許、

粟粉1.5茶匙、水4湯匙

做法: 蓮藕去皮切薄片，將蓮藕浸在清水中加1~2滴白醋浸15分鐘；

豬肉碎醃料醃30分鐘；雲耳浸軟去蒂備用；

白蘑菇用濕有抹乾表面污物後切片；

用白鑊(即不需落油)炒蘑菇至出菇水後上碟備用；

燒熱油鑊加蒜蓉和豬肉碎快炒後贊紹酒，

用鑊鏟盡量將豬肉碎推散炒成粒狀，

落雲耳、蓮藕和蘑菇炒勻，加調味後(加鑊蓋)煮至汁濃，

最後加埋蔥段炒勻便成。

~為防止蓮藕變黑(氧化)，可以將蓮藕切開後加水和1~2滴白醋浸一陣；


~另外，將蓮藕出水後再炒，亦都可以防止蓮藕變黑架!


~用生鐵鑊炒蓮藕都會變黑架(化學作用)!

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page