煎釀茄子豆腐卜

今日買咗魚肉、茄子和豆腐卜，

釀咗一大碟煮煎釀茄子豆腐卜 ，

再加咗個蒜頭豆豉芡汁燴一燴，

正到冇朋友呀!

材料: 魚肉$15、茄子1條、豆腐卜7個、生粉適量

調味: 蒜頭豆豉醬1茶匙、蠔油大半湯匙、豉油半湯匙、老抽少許、

糖1茶匙、生粉1.5茶匙、水大半碗

做法: 茄子切件，茄子面撲少少生粉，將魚肉餡釀入茄子上；

豆腐卜切半，釀入魚肉備用；

燒熱油鑊，落茄子和豆腐卜煎至魚肉面金黃色，再煎另一面至後盛起；

原鑊落調味煮滾，加茄子和豆腐卜回鑊，炆煮至汁濃便成。