螞蟻上樹~冬菇蝦米肉碎炒粉絲

我哋成家都好鐘意食炒粉絲，

我見啱啱買咗半斤粉絲，

即刻浸咗部份炒嚟食喇!

今次炒咗一大碟，

我食粉絲都食飽呀!

材料: 粉絲適量、冬菇8隻、蝦米2湯匙、豬肉碎$15、蒜蓉、蔥粒

醃料: 豉油1茶匙、糖半茶匙、生粉少許、麻油少許

調味: 辣豆瓣醬1茶匙、蠔油1湯匙、豉油半湯匙、老抽適量、糖1茶匙

做法: 粉絲浸軟備用；冬菇浸軟切粒；蝦米浸軟備用；

豬肉碎落醃料醃30分鐘；燒熱油鑊加蒜蓉、冬菇、蝦米、豬肉碎，

炒香後贊紹酒少許，盡量將豬肉碎炒散，炒至豬肉餡料8成熟後，

落調味和水大半碗煮滾後，加粉絲炒至乾身後，

最後灑上蔥粒炒勻便成。