用椰汁整甜品整上癮添，
今次唔用馬豆、紅豆，
改用黑糯米呀!
仲加埋大菜絲添，
一個字~掂!
本來，
呢個甜品係攞返幼稚園做老師大食會之用，
可惜今日打風唔使返工，
依家大部份落哂大小魔怪個肚裡面啦!
材料: 黑糯米60g、快達椰汁1罐(大)400g、鮮奶1盒236ml、大菜絲10g、
粟粉100g、糖200g和3碗水(飯碗)
做法:黑糯米洗淨後用水浸半小時，用3碗水煲腍黑糯米，
將黑糯米隔去水份盛起備用，而黑糯米水留用；
大菜絲用水浸軟；把椰汁、鮮奶和粟粉混合過篩備用；
將3碗水包括黑糯米水煲滾後，加糖和大菜絲煮溶，
最後把黑糯米、椰汁漿倒入煲內煲滾至杰身，
將黑糯米椰汁糕倒入器皿內，待涼放入雪櫃雪隔夜。
(係時候買把靚刀嚟切糕糕啦!不過唔知買咩刀好呢???)
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!