鮑汁花生雞腳!

 

今日係父親節，

雀后係度祝各位父親節快樂呀!

大家有咩節目???

大小魔怪要繼續溫書啦!

所以冇得出街；

而我哋兩公婆就會去妹妹家耍樂，

耍樂???

大家明白啦!

今朝我整咗一大盒雞腳，

希望大家啜得開心啦!

 

材料: 2磅急凍雞腳、花生$7、薑6片、紹酒少許

 

調味: 美x棧鮑魚汁3湯匙、蠔油1湯匙、老抽2湯匙、

 

生抽1湯匙、糖2茶匙

 

做法: 燒熱一鍋水，加雞腳、薑3片和紹酒出水5分鐘，

 

瀝乾水份去甲備用；花生浸15分鐘後，

 

加3碗水煲花生1小時15鐘熄火(不用開蓋繼續焗)；

 

燒熱鑊爆香薑3片，加雞腳、花生(連水)、調味和3碗水，

 

用中火炆45分鐘，最好熄火唔好開蓋繼續焗半小時以上。

 


 

大家可以入嚟Facebook讚下我新開嘅Fans專頁呀! 

  

雀后(添飯)Facebook Fan Page