2019年12月25日(星期三)
今日要做好漢行萬里長城，
所以早餐就要食飽D囉!
室外-6度，
車窗外雪花好靚呀!
早上我哋要先去參觀天然乳膠牀上用品展銷，
食過早午飯後先上萬里長城。
今次我哋行居庸關，
老公唔記得帶帽，
所以即刻係旁邊小店買咗頂包哂成個頭嘅帽，
而姐夫仲型，
買咗頂北佬帽，
好鬼暖架!
領隊哥哥請我哋食雪條，
真係凍到入心，
但又好好味道呀!
行完長城，
又到購物時間，
今次去參觀寶樹堂藥業買寶膚靈呀!
今晚我哋7點左右就返到酒店，
因為晚餐係酒店食自選晚餐，
雖然任點任食，
但上菜速度頗慢，
所以導遊哥哥一早俾定張菜單，
等我哋預先點咗部份食品先，
唔夠再添食呀!
佢仲提醒我哋每碟份量唔多，
多點幾份都冇問題呀!
初初送來餸菜份量真係好少，
嚇到我哋即刻諗住快快加單啦!
點知原來係廚房攪錯了，
於是立即送上我哋點餐嘅份量，
正常番，
冇問題喇!
呢餐食得好飽，
又冇機會食杯麵，
唔通真係要帶返香港???
大家可以入嚟Facebook讚下我新開嘅Fans專頁呀!
全部都成為好漢了，哈哈。
回覆刪除傲氣傲笑萬重浪 熱血熱勝紅日光
刪除膽似鐵打 骨似精鋼 胸襟百千丈 眼光萬里長
誓奮發自強 做好漢
做個好漢子 每天要自強
熱血男子 熱勝紅日光
讓海天為我聚能量 去開天闢地 為我理想去闖
看碧波高壯 又看碧空廣闊浩氣揚 既是男兒當自強
昂步挺胸大家作棟樑 做好漢
用我百點熱 耀出千分光
做個好漢子 熱血熱腸熱 熱勝紅日光
讓海天為我聚能量 去開天闢地 為我理想去闖
看碧波高壯 又看碧空廣闊浩氣揚 既是男兒當自強
昂步挺胸大家作棟樑 做好漢
用我百點熱 耀出千分光
做個好漢子 熱血熱腸熱 熱勝紅日光
做個好漢子 熱血熱腸熱 熱勝紅日光
我無上到長城，行兩步就放棄，坐著等阿妹做好漢。
回覆刪除我都行咗少少咋!老公、姐夫和妹夫就行到好高好遠呀!
刪除新年快樂！
回覆刪除