咖哩洋蔥薯仔炆排骨

前兩日買咗1磅冰鮮豬軟骨，

煮咗碟咖哩洋蔥薯仔炆排骨，

小魔怪話煮得咁少飯，

食咖哩唔夠喉喎!

好彩雪櫃仲有幾個饅頭，

即刻蒸幾個出嚟點咖哩食，

巧巧味架!

材料: 冰鮮豬軟骨1磅、薯仔1個、甘筍半條、洋蔥半個、蒜蓉

醃料: 豉油1湯匙、糖1茶匙、生粉1茶匙、麻油少許

調味: 秘撈魚蛋醬2湯匙、糖1.5茶匙、老抽少許

做法: 豬軟骨洗淨後，用廚紙索乾水份，落醃料醃1小時；

薯仔和甘筍去皮切件；洋蔥切片；

燒熱油鑊落豬軟骨和蒜蓉炒勻，加薯仔、甘筍和洋蔥快手炒勻後，

落調味和適量熱水煮滾後，轉中小火炆20分鐘，

按個人口味落鹽調味後(可以唔落)，加少許生粉水埋芡汁便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page