整蓮藕餅時用剩咗D幾粒冬菇和少少蝦米碎，
諗下可以用嚟煮咩好呢???
唔理咁多，
買咗$15豬肉碎加埋冬菇和蝦米碎炒埋一碗，
大半用嚟炒雜菌，
剩番少少冬菇肉碎就做咗我今日嘅午餐呀!
材料: 雜菌$10、豬肉碎$15、冬菇4隻、蝦米半1湯匙、蒜蓉
醃料: 豉油1湯匙、糖1茶匙、鹽半茶匙、胡椒粉少許、麻油少許、
生粉1茶匙、水1湯匙
調味: 蠔油1湯匙、老抽少許、豉油半湯匙、糖1茶匙、生粉水少許
做法: 豬肉碎落醃料醃30分鐘；冬菇浸軟切粒；蝦米浸軟切碎；
燒熱油鑊落冬菇蝦米碎先炒香，落豬肉碎和蒜蓉炒勻，落少許水煮至肉熟；
燒熱鑊不需落油，加入雜菌炒至出菇水後，落冬菇蝦米肉碎炒勻，
加入調味和水4湯匙煮至汁濃便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!