今日煮上海菜飯，
落咗冬菇、金華火腿和小棠菜，
用咗煮煲仔飯咁原理去做，
不過亦可改用電飯煲嚟煮都可以架!
材料: 米2杯、冬菇10隻、金華火腿適量、小棠菜適量、雞湯2杯(量米杯)
做法: 將米浸洗15分鐘後隔水備用；小棠菜莖切粒，葉切小段；
冬菇浸軟去硬蒂切粒；金華火腿切粒雲腿切粒；
凍鍋落油燒熱後，加金華火腿和冬菇先爆出香味後，
落小棠菜莖和米炒勻後，加入雞湯後用中火煮至差不多乾水，
用湯匙攪攪煲底免飯黐底，轉小火煮多10分鐘左右，
其間需要將煲在煮食爐上下左右移動(平均受熱)；
加埋菜葉攪勻飯後熄火，唔好開蓋繼續焗5分鐘便成。
~因為呢個菜飯我加咗雞湯，所以呢個飯唔使落鹽，
如果唔落雞湯剩落清水嘅話，咁就要加少少鹽調味啦!
~呢個飯唔一定用煲仔煮架，用電飯煲都可以煮，其實步驟都係差不多架!
一定好好味
回覆刪除呢個飯咸咸香香都唔錯架!
刪除我今日睇左個標題好多次。。。。。。上海冬菇， 哈哈！
回覆刪除哈哈，我買呢隻冬菇係國產，不過唔係咪上海嚟架呢!
刪除