自製上海擔擔麵(撈麵)

 

今日中午食雜糧~自製上海擔擔麵(撈麵)；

屋企有幾包上海麵，

拿拿臨要清埋佢先得。

我鐘意食乾撈麵，

所以今日食嘅擔擔麵唔放湯，

撈勻就食得架啦!

材料: 上海麵、豬肉碎(半斤)、鹽焗花生、蔥粒、蒜蓉、乾蔥蓉、紹酒

醃料: 豉油2茶匙、糖1茶匙、生粉1茶匙、麻油少許、水2湯匙

擔擔麵汁: 豉油、醋、芝麻醬、辣椒醬、花椒油

做法: 豬肉碎落醃料醃30分鐘；花生將袋包好，用重物壓碎備用；

燒熱油鑊落豬肉碎，盡量將肉碎炒散後，加入蒜蓉和乾蔥蓉炒勻贊紹酒，

炒至全熟後盛起備用；上海麵出水備用；

準備大碗，先加入自製擔擔麵汁，後落上海麵、蔥粒、花生碎和豬肉碎，

撈勻就食得喇!

~芝麻醬比較杰身，所以先落少許芝麻油開勻就得。

~鐘意花生味濃嘅話，可以加D花生醬落芝麻醬裡一齊開勻呀!

~各人口味不同，所以擔擔麵汁隨自己口味而調配而成，

鐘意食麵帶甜味嘅朋友可以加埋糖拌勻啊!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page