大家有冇試過買過黑心蘿蔔，
之前我就試過喇!
批好哂D皮切開先見到個蘿蔔黑心，
激死我啦!
好彩今次買嘅蘿蔔好靚又重手；
俾個貼士大家，
批蘿蔔皮一定要批深少少，
因為蘿蔔皮比較厚，
批到見到有少少透明就得，
咁蘿蔔炆出嚟又嫩又多汁，
仲冇渣添架!
材料: 牛肋條1.5磅、蘿蔔1條、薑7片、蒜頭3粒、乾蔥頭2個、
八角1粒、桂皮少許、香葉2片、紹酒2湯匙
調味: 柱候醬2湯匙、蠔油1湯匙、豉油1湯匙、冰糖1大粒
做法: 凍水落牛肋條、薑2片和紹酒1湯匙煮滾，出水10分鐘後撈起切件；
蘿蔔去皮滾刀切件；凍鍋落少許油，落薑片、蒜頭、乾蔥頭和柱候醬爆香，
加牛肋條與醬料炒勻後贊紹酒1湯匙，
落蠔油、豉油、冰糖、八角、桂皮、香葉和熱水3碗(蓋過牛肋條)，
中大火煮滾後轉小火慢慢炆1小時後，撈起蒜頭和乾蔥；
落蘿蔔後轉中火煮滾，再轉小火慢慢炆多30分鐘，
最後按個人口味加鹽調味後，落少許老抽調色和生粉水埋芡汁便成。
~炆牛腩時要小心睇火，間中要攪拌一下牛腩免黐底，水乾嘅話就要加熱水。
大家可以入嚟Facebook讚下我新開嘅Fans專頁呀!
我一定批蘿蔔皮批得好深，好食D。
回覆刪除醒目，批皮批深D，蘿蔔煮起嚟又嫩又滑又冇渣，真係好正架!
刪除