蝦醬粉絲蒸腩肉

蒸親呢碟蝦醬粉絲蒸腩肉，

一定要買肥肥哋腩肉嚟蒸先好食，

蒸出嚟嘅腩肉食落一D都唔肥膩，

啖啖蝦醬味嘅腩肉咬落好爽口，

配埋索哂蝦醬肉汁嘅粉絲，

今餐添飯呀!

材料: 豬腩肉$60、粉絲適量、薑絲、蔥粒、辣椒仔1隻(切粒)、滾油

醃料: 蝦醬1.5茶匙、豉油1茶匙、糖1茶匙、生粉1茶匙、紹酒半湯匙

做法: 將豬腩肉整條放入冰箱雪1小時後，取出切薄片後沖水，

用廚紙索乾水份後，落醃料醃30分鐘；

粉絲浸軟後隔水放入蒸碟內，將蝦醬豬腩肉平均舖係粉絲面並擺上薑絲，

放入熱水鑊內用大火蒸15分鐘，最後灑上蔥粒和辣椒粒後，

贊少許滾油係面便成。

~留意蝦醬咸度，太咸的話記得要自行調節糖份呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page