2020年10月31日 星期六

荷香糯米臘腸蒸腩排


上次炒糯米飯時用剩咗1杯多少少糯米,

今日就用佢嚟整糯米排骨,

見雪櫃仲有一條臘腸,

切片加埋落去呀!

買埋塊荷葉($3)返嚟包住D糯米臘腸排骨一齊蒸,

呢個可以做飯又可以做餸,

一舉兩得,

正呀!










材料: 腩排$50、糯米1杯、臘腸1條、蔥粒適量

醃料: 豉油1湯匙、老抽1茶匙、蠔油1湯匙、鹽半茶匙、糖1茶匙、

生粉1茶匙、麻油少許

醃糯米: 鹽半茶匙、油少許

做法: 腩排洗淨後落醃料醃2小時;荷葉浸軟去硬蒂並剪半備用;

糯米洗淨後浸水3小時,隔去水份加鹽和油撈勻;臘腸切片備用;

從雪櫃取出排骨放室溫1小時;將荷葉舖在蒸盆內,

把沾有糯米嘅排骨平均放入荷葉內,剩餘嘅糯米和臘腸片舖在排骨面,

把荷葉包好後,放入熱水鑊內蒸1小時,最後灑蔥粒舖面便成。

~記得要加足水先好蒸糯米排骨呀!

~剩咗醃排骨汁料唔好倒,我加埋落去蒸排骨,等D糯米更入味呀!

 
  
大家可以入嚟Facebook讚下我新開嘅Fans專頁呀! 



2 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!