今日呢個餸係加強骨膠原系列~紅燒豬手。
之前小魔怪話想食豬手，
襯今日星期六佢唔使返工，
拿拿臨買定材料嚟整啦喂!
 |
材料: 豬手1隻、薑10片、香葉3片、八角1粒、桂皮少許、蔥段、紹酒
調味: 豉油1.5湯匙、老抽2湯匙、冰糖1大粒、4碗水
糖色: 冰糖碎2湯匙
做法: 將豬手洗淨後放入鍋內，加入水、薑4片和紹酒1湯匙，
水煮滾後出水5分鐘，倒出豬手沖洗乾淨備用；
凍鍋落油落冰糖碎2湯匙炒至糖溶和微滾起泡後(全程中小火)，
落豬手快手炒數十下後沿鑊邊贊紹酒2湯匙，
加入香葉、桂皮、辣椒乾和八角炒勻，落調味和熱水4碗煮滾後，
轉小火炆煮45分鐘，撈起鑊內香料、薑片和蔥段，
繼續炆多15分鐘或至汁濃後，按個人口味加鹽調味便成。
~炒糖色要注意火候，太大火糖色會好易燶和有苦味架!
~炒糖色目的係食材上色，上碟時食物色澤更靚呀!
豬手真係幾好食既，不過貴咗D，過百蚊隻豬手。
回覆刪除我哋呢邊唔使咁貴，大約$60~$80左右有1隻呀!
刪除係咪要做第一個步驟，D皮先至煮到你咁爽？
回覆刪除灼完豬手即浸凍水，咁D豬皮會爽口D架!
刪除食平D好像50元一隻豬手
回覆刪除我買咗豬手先見到，下次要去買嚟試下先得。
刪除