上星期飲茶時，
老公食咗碟豬肚燒賣，
佢話好耐冇食過豬肚；
哈哈，
講到咁想食，
今日就滷咗個豬肚俾佢食啦!
剩係食豬肚好似冇咩嘢好夾，
見雪櫃有雞翼和腸仔，
一於加埋落去一齊滷啦!
材料: 急凍豬肚1個、雞翼12隻、腸仔1包(10條)、薑6片、紹酒1湯匙
調味: 滷水汁1碗(飯碗)、老抽適量、冰糖粒1湯匙、水3~4碗
做法: 急凍豬肚和雞翼解凍後瀝乾水份；豬肚剪半後剪去豬肚內肥膏；
將豬肚放入鍋內加水、薑3片和紹酒1湯匙煮滾，出水5分鐘後撈起；
雞翼亦要出水3分鐘後撈起備用；
將調味和薑3片放入鍋內加熱煮滾，放入豬肚先滷1小時後，
加入雞翼滷15分鐘，最後落埋腸仔滷多5分鐘便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!