逢星期二晚上我要返學(學搓麵包)，
所以都會準備定晚餐俾老公食呀!
今次就炒咗呢鑊生炒牛肉飯俾佢，
簡簡單單，
冇得say no呀!
材料: 冷飯適量、牛肉碎$25、生菜半個、蛋3隻、蔥粒半碗
醃料: 豉油2茶匙、糖1茶匙、生粉1茶匙、麻油少許、水1湯匙
調味: 鹽適量、糖少許、豉油少許
做法: 牛肉碎落醃料醃30分鐘；生菜切絲；雞蛋打發好備用；
燒熱鑊落油，落雞蛋快手炒勻上碟備用；
原鑊加少許油炒牛肉碎至8成熟後，加入冷飯盡量將飯炒散，
落調味及沿鑊邊落豉油；最後加雞蛋和生菜絲炒多30秒左右便成。
大家可以入嚟Facebook讚下我新開嘅Fans專頁呀!
美食在前，當然冇得say no啦!
回覆刪除哈哈，其實老公真係好易養，對食物要求又好低，只要食得飽就冇問題架啦!
刪除呢味我都好耐冇煮過添。搵日煮。
回覆刪除呢個生炒牛肉飯，係香港酒樓或茶餐廳好hit架!
刪除我好孤寒㗎，炒飯用一隻蛋。我最近先知道，原來要落兩三隻蛋炒飯先香㗎
回覆刪除落1隻蛋唔夠味，我每次要落2~3隻蛋炒飯，咁個飯底先有蛋香架!
刪除