又到清雪櫃醬料嘅時候喇!
今次清XO醬呀!
買咗半磅鳳尾蝦，
加埋福花菜一齊炒，
香香辣辣，
好惹味架!
材料: 福花菜半個、鳳尾蝦半磅、蒜蓉、XO醬適量
醃料: 鹽少許、胡椒粉少許、麻油少許
調味: 鹽少半茶匙、糖半茶匙、豉油適量
做法: 鳳尾蝦解凍後，用廚紙索乾水份，落醃料醃15分鐘；
福花菜用刀切小斷浸洗一陣；燒熱水落少許鹽加入福花菜灼1分鐘，
撈起福花菜浸凍水後瀝乾水份備用；
燒熱油鑊落鳳尾蝦略煎面面至轉色，加入蒜蓉和XO醬炒香後，
落福花菜、調味和水2湯匙炒勻，煮至汁濃後便成。
~福花菜比普通椰菜較為爽口，先灼到福花菜半熟後，再炒一陣就食得架啦!
~用XO醬炒牛肉、豬肉、雞肉，又或炒蝦仁、魷魚或帶子等，都好好味道架!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!