之前買咗盒蒸煮豆腐煮咗豆腐滑蛋蒸蝦仁，
今日就用另一盒煎釀豆腐嚟煮呢碟咸魚雞粒燴豆腐喇!
(買兩盒豆腐有特價呀!)
老公話呢個餸好送飯，
要添飯喎!
材料: 雞扒1塊、梅香咸魚1/4件、有機煎釀豆腐1盒、蒜蓉、麻油少許、蔥粒
醃料: 豉油半湯匙、糖1茶匙、生粉1茶匙、麻油少許、紹酒少許
調味: 蠔油1湯匙、辣豆瓣醬1茶匙、老抽1茶匙、糖1茶匙、水大半碗
做法: 雞扒去皮切粒，落醃料醃1小時；咸魚拆肉切粒；
豆腐切件後，落油鑊略煎兩面後盛起；
燒熱鑊落油先爆雞粒後放鑊邊，落蒜蓉和咸魚粒炒香後與雞粒撈勻，
加入調味煮至雞粒熟後，落豆腐煮至翻滾後，
加少許生粉水埋芡汁，最後灑上蔥粒便成。
~由於咸魚和辣豆瓣醬已經有咸味，所以應按個人口味加鹽調味呀!
~煎豆腐要好小心慢慢煎，唔好學我煎到散哂呀!😄😄😄
(其實唔好怪我，係盒豆腐倒出嚟已經散散哋之嘛!)
我都係買呢隻豆腐
回覆刪除煮雞粒咸魚好好味呀！
呢個牌子嘅滑豆腐和煎釀豆腐都好好食。
刪除