唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
一個人的午餐~蔥花雞蛋煎餃。
今朝早黃雨兼紅雨，
我都冇落街買餸，
橫掂都係得我一個人食午餐，
摷下冰箱睇下有咩好食先得；
急凍餃子和雞蛋，
加少許蔥花和黑芝麻，
再淋少少香醋落去就食得，
嘥番唔使洗碟，
啱哂我呢個懶人呀!
材料: 急凍餃子10隻、雞蛋1隻、蔥花、炒香黑芝麻適量、鹽少許
做法: 雞蛋落少許鹽發勻備用；燒熱油鑊加入急凍餃子用中火煎1分鐘，
加入大半碗水煮滾加鑊蓋煮至水差不多乾後，係鑊邊落少少油，
將雞蛋液淋在餃子四周圍，灑上蔥花和黑芝麻，待蛋液熟後便成。
好煮意
懶人餐首選。
如果大家覺得我煮嘅餸菜啱哂口味嘅話，不妨留個言，鼓勵下我啦!
好煮意
回覆刪除懶人餐首選。
刪除