香煎家鄉蓮藕餅

整呢個家鄉蓮藕餅，

除蓮藕外，

豬肉碎和魚肉不可少，

加埋蝦米和冬菇，

煎出嚟個蓮藕餅彈牙、爽口兼有咬口，

真係好好味架!

材料: 蓮藕1節、豬肉碎$20、魚肉$10、冬菇6隻、蝦米仔2湯匙、蛋1隻

調味: 豉油1湯匙、鹽半茶匙、糖1茶匙、生粉4茶匙、胡椒粉適量、麻油

做法: 冬菇和蝦米浸軟後切碎；蓮藕去皮刨絲後，略揸出多餘的蓮藕汁；

將蓮藕絲、豬肉碎、魚肉、冬菇、蝦米、雞蛋和調味攪勻，雪約1小時；

燒熱易潔鑊落油，將蓮藕餅用手搓成圓形壓平(不要太厚會難熟)，

用中細火慢慢煎一面定形後，再反轉煎另一面，

煎至兩面金黃色便成。(其間可能要反轉蓮藕餅2~3次)

~蓮藕刨絲後要揸出多餘蓮藕汁，係因為太濕的話，蓮藕餅難搓成糰，

煎時亦較易散。

~煎蓮藕餅唔可以心急，一定要用中細火慢慢煎，大火就易濃難熟呀!

~以上蓮藕餅份量，可以煎24個小口蓮藕餅呀!

~可按個人口味加蔥拌勻煎蓮藕餅，但一定要搓糰前先好加蔥，

唔係就好易出水架啦!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page