咖哩薯仔炆雞翼

噚日係區議會選舉日，

老公和我第一次參與做助選團，

真係一個好好嘅經驗，

見盡人生百態，

人情冷暖；

我係支持一個真正為市民服務嘅區議員，

唔理佢有冇政黨，

做得好的我就會選佢!

噚日成日食飯盒，

今日就開始正正經經煮餐飯食下啦!

(我哋支持嘅區議員順利當選，恭喜恭喜!)

材料:  雞翼2磅、薯仔3個、洋蔥半個、利川咖哩醬2湯匙、蒜蓉、老抽少許

醃料: 豉油1湯匙、糖1茶匙、粟粉1茶匙麻油少許

做法: 雞翼解凍後用廚紙抹乾水份，落醃料醃1小時；

薯仔和洋蔥去皮切件備用；燒熱油鑊略煎雞翼兩面轉色後上碟；

原鑊落蒜蓉和2湯匙咖哩醬爆香，加洋蔥和薯仔炒香後，

落雞翼和大半碗水，炆大約12-15分鐘左右，

最後加少許老抽調色便成。

 

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page