小病是福

失蹤咗幾日，

唔係去咗玩，

而係入咗廠(醫院)；

話說上次拜山時"凳"親個pat pat，

當時唔覺痛架，

點知上星期六開始條腰痛到不得了，

瞓醒連轉身都轉唔到；

驚起上嚟星期一就走咗去博愛醫院睇急症，

例行檢查量血壓時，

一度就即刻出事，

護士仲以為個血壓計壞咗~240度，

醫生緊係唔俾我走啦!

即時入院；

就係咁係醫院做咗好多檢查，

驗血、驗尿、心電圖、腦掃瞄，

每個鐘頭量血壓，

唔只食降血壓藥，

仲要吊埋降血壓針，

先可以控制到個血壓，

不過仍然偏高。

(好彩所有報告血糖、膽固醇等等都冇超標)

至於條腰骨呢，

照過x~ray話冇事，

可能係傷咗肌肉，

做咗2次物理治療~電療，

已經好番九成啦!

住咗4日醫院，

哈哈，

都要講下博愛醫院嘅食用喇，

因為我要食低鹽餐，

所以好多時餸菜都係冇咩味道，

初初真係食唔慣架，

不過食食下又覺得接受到喎!

有時仲覺得呢度食用唔錯添!

嘻嘻，

因為有兩餐都係食雞髀囉!

除咗早午晚3餐，

仲有宵夜食添呀!

  

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page