呢排食多咗西芹，
因為西芹可有助降血壓；
但小魔怪唔鐘意西芹嘅味，
點算好???
今次我加咗豬肉絲和豆腐乾落去一齊炒，
我食西芹佢就食肉啦!
材料: 西芹4條、梅頭豬肉$10、豆腐乾2件、蒜蓉
醃料: 豉油1茶匙、糖半茶匙、粟粉少許、麻油少許
做法: 梅頭豬肉切絲後用醃料醃1小時；西芹去硬皮切件；豆腐乾切片；
燒熱油鑊落豬肉絲炒熟上碟；燒熱油鑊落蒜蓉、西芹、肉絲和豆腐乾炒勻，
落2湯匙水煮至西芹熟後，落少許鹽調味便成。
~呢個係少鹽版，唔夠味的話就自己調味啦!
大家可以入嚟Facebook讚下我新開嘅Fans專頁呀!
哈~ ~ 即刻變通，皆大歡喜
回覆刪除各取所好呀!
刪除西芹浸水浸耐d 就冇咁勁味
回覆刪除我以前都唔食西芹, 味道重d ge菜都唔食....哈哈
其實大小魔怪細細個都唔食芹菜或西芹呢D重味嘅菜架啦!
刪除我煮西芹多數會拖拖水,冇咁大味又腍啲.
回覆刪除西芹，我鐘意食爽脆架! ^.^
刪除我以前都唔鍾意食西芹架，總之來到英國就咩都食。
回覆刪除哈哈，希望小魔怪去咗英國後會好似妳咁，樣樣都食啦!
刪除西芹我鍾意，炒乜都啱。又可以降血壓，一舉兩得。
回覆刪除以前大小魔怪唔鐘意食，所以冇咩點炒嚟食，依家就唔同哂啦!我要食多D呀!
刪除