上次係惠州食咗個蘿蔔絲蛋角煲，
真係好食到不得了，
食過翻尋味，
自己整應該唔難架!
不過煎蛋角就要俾多少少心機，
少少耐性和多多時間啦!
材料: 蘿蔔半個、手剁豬肉$15、雞蛋4隻、清雞湯500ml、薑2片、胡椒粉
醃料: 豉油1茶匙、糖半茶匙、粟粉少許、麻油少許、水1湯匙
做法: 豬肉剁碎後落醃料醃1小時；蘿蔔去皮切條；雞蛋落少許鹽發勻；
燒熱油鑊後轉小火落2大匙蛋液煎至蛋皮半熟後，
將豬肉碎放入蛋皮中間，用鑊鏟和筷子將蛋皮蓋住豬肉餡，
慢慢煎至蛋角形狀後盛起(豬肉餡唔熟唔緊要架)；
將清雞湯和薑片放入煲內煮滾後落蘿蔔條煮10分鐘，
再加豬肉蛋角煮5~8分鐘，最後加適量胡椒粉和鹽調味，落蔥粒裝飾便成。
~胡椒粉落多多都唔怕，啖湯會好味D架!
~胡椒粉落多多都唔怕，啖湯會好味D架!
大家可以入嚟Facebook讚下我新開嘅Fans專頁呀!
這個餸清新得嚟又香口,真係好煑意!
回覆刪除係呀，不過功夫就多咗少少喇!
刪除好煮意!
回覆刪除客家菜，真係幾啱我口味架!
刪除我細時嫲嫲都有整蛋角，我自己試過失敗左，我知要用好多心機架。
回覆刪除唔緊要啦，下次再試過，一定成功架!
刪除諗梗跟唔跟你煮呢個.
回覆刪除試下啦!整咗咪又學多一個餸囉!不過要有時間先好整，逐個蛋角慢慢煎，都幾嘥時間架!
刪除好吸引呀！找天試試先 ~
回覆刪除試啦，味道唔錯架!
刪除材料簡單，但係功夫菜呢~~
回覆刪除哈哈，功夫菜，唔可以成日煮架!
刪除呢個一定好好味 , 煎蛋角真係要乖乖企定定係度煎 , 真係要心機同耐性
回覆刪除逐個蛋角慢慢煎，真係要好有耐性先得呀!
刪除真係好心機, 搵日試吓先 :)
回覆刪除試啦，味道唔錯架!
刪除真係好心機，一定好食，
回覆刪除好食架，妳都試下整嚟食啦!
刪除至愛，我姐婆以前成日整呢味餸
回覆刪除客家婆婆煮呢個餸，肯好好好味道啦!
刪除