蕃茄雞蛋燴肉碎

今朝起身，

冇端端失咗把聲，

我又唔覺自己有咩唔舒服喎!

唔通我又作病!

今餐要加強維他命C，

希望有幫助啦!

材料: 蕃茄4個、雞蛋3隻、豬肉碎$10

醃料: 豉油半湯匙、糖半茶匙、生粉少許、水1湯匙、麻油少許

做法: 豬肉碎用醃料醃15分鐘；雞蛋落少許鹽打發好備用；

蕃茄底部界十字，放入熱水煮2分鐘後熄火，取出將蕃茄去皮及切大粒；

燒熱易潔鑊落油，倒入蛋液快炒成滑蛋後上碟(約8成熟)；

原鑊落少許油加肉碎炒至半熟後，落蕃茄和大半碗水煮5~8分鐘；

按個人口味加鹽和糖調味後，加埋雞蛋炒勻上碟。

(如汁多可加少少生粉水埋茨汁)

大家可以入嚟Facebook讚下我新開嘅Fans專頁呀!

雀后(添飯)Facebook Fan Page