酥炸陳皮骨食得多，
今次整咗個炆嘅版本，
用上母親大人俾我嘅19年陳皮(最後兩片仔)，
香味濃郁而不覺肥膩，
真係好好品嚐先得囉!
材料: 金沙骨8條、陳皮2/3個、薑片、乾蔥絲、鹽少許
醃料: 豉油1湯匙、糖1茶匙、麻油少許、紹酒少許、薑汁(連薑蓉)半湯匙
調味: 老抽1湯匙、冰糖1湯匙、水1碗
做法: 燒熱水放入金沙骨和半湯匙紹酒出水備用；
陳皮洗淨後浸軟去囊切絲備用(留浸陳皮水大半碗)；
燒熱油鑊先爆香薑片、乾蔥絲和陳皮絲，
落金沙骨(連醃料汁)和調味煮滾後，
倒入細鍋內用小火慢慢炆45分鐘(需不時翻動排骨免黐底)，
按個人口味落少許鹽調味後，轉大火煮至收汁便成。
~炆到中途唔夠水的話，記得添加熱水繼續炆呀!
大家可以入嚟Facebook讚下我新開嘅Fans專頁呀!
以前煮過類肉的黑醋骨, 相信呢個用上陳年陳皮一定更正!
回覆刪除呢個排骨充滿陣皮香味，真係幾好食架!
刪除咁陳年嘅陳皮好名貴呀,真係要好好品嚐,比著我就唔捨得攞嚟煮餸,會留返嚟看門口,有藥用價值咖.
回覆刪除19年陳皮我唔係好多，唔夠5年嘅就唔少囉!
刪除19年的陳皮,味道一定好正
回覆刪除真係幾香架!
刪除個色澤好靚啊
回覆刪除個賣相又真係幾靚架!
刪除嘩！正，又正氣
回覆刪除總之好味啦!
刪除陳皮一定好香。
回覆刪除好清香架!
刪除我都有D亞婆留落的幾十年舊陳皮，還剩幾片唔捨得食。不過，我買左好多 cheap野補倉。
回覆刪除19年陳皮我分得幾片咋，但唔夠5年嘅就好多呀!
刪除加咗陳皮~一定好香呢~!
回覆刪除真係幾香架!
刪除靚靚陳皮骨好香，要慢慢品嚐。
回覆刪除真係條條陳皮都要食埋佢呀!
刪除