唔知幾時開始，
我鐘意咗食涼瓜，
以前覺得佢好苦，
依家就發覺甘甘哋都幾好食吖!
唔通口味嘅嘢，
係會隨著年紀漸長而有所改變???
材料: 涼瓜1條、梅頭豬肉$20、洋蔥1/4個、豆豉粒適量、蒜頭1粒(剁碎)
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油1湯匙、糖1茶匙、半碗水
做法: 涼瓜去囊切片，用少少鹽醃10分鐘沖沖水後，出水備用；
洋蔥切幼條；梅頭豬肉切片後用醃料醃30分鐘；
燒熱油鑊略煎肉片兩面後盛起；原鑊落蒜蓉豆豉粒炒香，
加入涼瓜和洋蔥快炒後，落肉片和調味煮至涼瓜熟便成。
大家可以入嚟Facebook讚下我新開嘅Fans專頁呀!
請問有陣時炒肉片炒炒下會出水係咪即係炒得太耐？
回覆刪除我鐘意熱鑊落油，等油滾就落肉，煎封兩面，鎖住D肉汁，咁就冇咁易出水架啦!
刪除如果真係出好多水，咁就要加少少生粉水埋茨汁啦!
好食好食
回覆刪除涼瓜，好送飯呀!
刪除我鍾意食苦瓜。
回覆刪除我漸漸愛上佢呀!
刪除涼瓜我由細到大都鐘意食
回覆刪除我係呢幾年開始先鐘意食咋!
刪除涼瓜我鍾意，好開胃。
回覆刪除食落甘甘哋，又幾好味道架!
刪除哈~ 我暫時未到很喜歡食，但！很接受它是了
回覆刪除嘻嘻，我依家漸漸愛上佢呀!
刪除我以前都不愛苦瓜,依+超喜歡
回覆刪除我都係呀!
刪除我都鍾意食，但一家人只有我食，所以即係無得食。
回覆刪除整個俾自己食，唔好理佢哋啦!
刪除