少甜版~琥珀合桃

老公買咗1磅合桃返嚟，

為咗要消滅佢，

今日我用咗一半嚟整琥珀合桃，

甜度自己調較，

整咗一大盆嚟做小食，

哈哈，

老公話: 唔太甜，又幾唔錯喎!

希望我搵到樽裝之前，

唔好俾老公和大魔怪食哂啦!

材料: 合桃半磅、芝麻2湯匙

調味: 白沙糖2湯匙、蜜糖半湯匙(可按個人口味加多少少蜜糖)、水2湯匙

做法: 合桃清洗後，放入滾水內烚5分鐘後瀝乾水份；

用廚紙將合桃印乾水份後，放入已預熱180度焗爐(上下火)焗15分鐘，

加埋芝麻焗多5分鐘後，取出待涼備用；

凍鍋落調味煮滾至糖差不多杰身後，倒入芝麻合桃攪勻，

取出將琥珀合桃盡量分開唔好疊埋，待涼就可以食架啦!

(各個焗爐爐溫有差別，請自行調較溫度呀!)

(提提大家，用易潔鍋煮糖漿後糖漿會黐鍋架，只要再加水煮溶D糖就易清洗架喇!)

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page