蕃茄薯仔三文魚頭豆腐湯

今餐簡簡單單滾咗個蕃茄薯仔三文魚頭豆腐湯，

有營養又好味道；

食三文魚頭時，

我最鐘意點豉油加少少胡椒粉一齊食，

諗起都想再食呀!

材料: 三文魚頭1個、蕃茄2個、薯仔2個、有機滑豆腐1盒、薑3片

醃料: 鹽少許、胡椒粉少許

做法: 三文魚頭解凍，洗淨去腮後，用廚紙抹乾水份，用醃料醃一陣；

蕃茄和薯仔切件；豆腐切件；預先將5碗水煲滾；

凍鍋落油先爆香蕃茄炒至出茄油後，加薯仔炒勻後落3碗熱水煮滾；

同時燒熱油鑊爆香薑片，落三文魚頭略煎兩面後，

其餘熱水倒入三文魚頭內滾至奶白色後，

把三文魚連湯放入煲內滾起後轉小火煲45分鐘，

加豆腐滾多15分鐘後，落鹽調味便成。

     

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page