我哋呢邊天耀街市執咗，
唯有改去領展新裝修嘅天盛街市買餸；
其實呢個新街市都幾乾淨，
又有冷氣，
不過餸菜價錢緊係唔會好平啦!
今次買咗包澳洲安格斯牛柳粒，
2磅$149加$1有包冇激素雞翼尖，
價錢又幾合理喎!
醃料: 豉油1湯匙、糖1茶匙、粟粉1茶匙、黑椒碎少許、麻油少許、生油少許
做法: 牛柳粒解凍後用廚紙索乾水份，醃料醃1小時；
薯仔去皮後切粒，用加有1茶匙鹽嘅水浸30分鐘後，
用廚紙抹乾水份(一定要好乾)；將薯仔粒放入凍油內慢慢加熱，
炸至金黃色撈起用廚紙索油(需要不時攪勻)；
燒熱鑊少少油煎牛柳粒至6~7成熟後，加入薯仔粒和蜜糖快手炒勻，
最後灑上炒香芝麻便成。
大家可以入嚟Facebook讚下我新開嘅Fans專頁呀!
你個街市唔係貴，係勁貴
回覆刪除嗚嗚，依家真係好難再打斧頭囉!
刪除包裝寫和牛，應該好好食啦！點解我在香港時你無教的整呢D架！
回覆刪除我都係最近先發現呢間舖頭D嘢都幾啱我食呀!
刪除都幾抵噢
回覆刪除我都覺得抵先買嚟試下呀!
刪除而家啲街市畀領展改頭後，買餸一啲都唔平
回覆刪除係囉，貴咗成倍呀!@@"
刪除點先可以炸到薯仔有脆口感
回覆刪除試下將切好嘅薯條浸鹽水，用細火慢慢炸至微黃色，最後轉大火炸至金黃就得。
刪除點先可以炸到薯仔有脆口感
回覆刪除