紅腰豆薯仔蘋果青瓜栗米沙律

大魔怪已經三星期冇返嚟屋企喇!

因為就嚟學期尾，

呢排佢忙做project外又忙做功課，

下個月又係考試嘅時候；

所以噚晚講咗返嚟食飯，

我一落郵輪拿拿臨即刻去買材料，

整佢鐘意食嘅~沙律!

佢係噚晚和今朝都食咗一大碗沙律，

食完早餐又趕返學校囉!

材料: 薯仔3個、蘋果3個、青瓜仔2條、粟米粒1罐、紅腰豆1罐、BB蛋黃醬

做法: 薯仔烚熟去皮切粒；蘋果去皮去芯切粒；青瓜去部份皮後切粒；

粟米和紅腰豆倒去水份，用熱水沖一沖後瀝乾水份；

用一個大碗，放入所有材料，加BB沙律醬撈勻，雪凍就食得!

(材料可自由配搭，總之就係自己喜歡嘅味道啦!)

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page