蝦仁蛋炒飯

依家好多時候都係得兩個人食飯，

真係幾難洗米架，

每餐只洗一杯米，

好似好嘥電咁，

所以通常我都會一次過煮2杯~2.5杯米，

分兩餐食；

今日就將食剩咗嘅飯用嚟做炒飯食喇!

呢排煮飯都加咗少少燕麥飯一齊煮，

高膳食纖維和含鈣，

健康DD啦!

 

材料: 冷飯(3碗)、急凍蝦仁200g、雞蛋2隻、蔥粒、薑粒

醃料: 鹽少許、麻油少許、胡椒粉少許

做法: 蝦仁解凍後，用廚紙索乾水份，落醃料醃1小時；

雞蛋加少許鹽發勻備用；冷飯先放入微波爐叮熱後，盡量將冷飯攪散；

燒熱油鑊倒入蛋液快炒至半熟後上碟；

原鑊落油加薑粒和蝦仁，煎至蝦仁熟後，落冷飯快炒，

盡量將冷飯炒至鬆散後，落少許鹽和半湯匙豉油調味，

最後加入雞蛋和蔥粒炒至飯粒乾身便成。

  

大家可以入嚟Facebook讚下我新開嘅Fans專頁呀!
雀后(添飯)Facebook Fan Page